ဝင်ရောက်အသုံးပြုသူများ အတွက် အကျိုးကျေးဇူးများ

ဆေးဝါးစျေးနှုန်းအချက်အလက်တွေက တိကျမှုရှိပါသလား?

စျေးနှုန်းများသည် ကုမ္ပဏီများနှင့် တရားဝင်ဖြန့်ဖြူးသူများထံမှ ရယူထားပြီး ပုံမှန် မွမ်းမံသော်လည်း၊ လက်တွေ့ဝယ်ယူမှု စျေးနှုန်းများသည် ဈေးကွက် အပြောင်းအလဲအရ ကွာခြားနိုင်ပါသည်။

ဆေးဝါးတွေကို ဒီပလက်ဖောင်းကနေ တိုက်ရိုက်ဝယ်ယူလို့ ရပါသလား?

Pharmacy Myanmar သည် ကြော်ငြာနှင့် သတင်းအချက်အလက် ပလက်ဖောင်းသာဖြစ်ပြီး၊ ဆေးဝါး ရောင်းချခြင်း/ဝယ်ယူခြင်း ဝန်ဆောင်မှု မပေးပါ။

Pharmacy Myanmar ၏ ဝန်ဆောင်မှုကို အသုံးပြုဖို့ အကောင့်ဖွင့်ဖို့ လိုအပ်ပါသလား?

အခြေခံအချက်အလက်များကို ကြည့်ရှုနိုင်သော်လည်း၊ စျေးနှုန်းနှင့် စျေးကွက်အသေးစိတ် အစီရင်ခံစာများ အတွက် ဆေးဆိုင်ပိုင်ရှင်များ/ဝန်ထမ်းများအနေဖြင့် အကောင့်ဖွင့်ရန် လိုအပ် ပါသည်။

ဖော်ပြထားတဲ့ ဆေးဝါးတွေအားလုံး MFDA ခွင့်ပြုချက် ရထားတာ ဟုတ်ပါသလား?

ပလက်ဖောင်းပေါ်တွင် ကြော်ငြာရန်အတွက် ဥပဒေနှင့်အညီ တင်သွင်း/ထုတ်လုပ်ထားသော တရားဝင်ထုတ်ကုန်များ ဖြစ်ရန် သက်ဆိုင်ရာကုမ္ပဏီက တာဝန်ယူ အာမခံရမည် ဖြစ်ပါသည်။

ပလက်ဖောင်းမှာ ဆေးဝါးတွေကို ဘယ်လိုနည်းလမ်းတွေနဲ့ ရှာဖွေနိုင်ပါသလဲ?

ဆေးဝါးနာမည်၊ ကုမ္ပဏီအမည်၊ ဆေးဖက်ဝင်အမည် (Generic Name) နှင့် ရောဂါအမျိုးအစားအလိုက် စနစ်တကျ ရှာဖွေနိုင်ရန် Feature များကို ပံ့ပိုးပေးထားပါသည်။

ကုမ္ပဏီများနှင့် Supplier အတွက် အကျိုးကျေးဇူးများ

ကုန်ပစ္စည်းများကို ပလက်ဖောင်းပေါ်မှာ ဘယ်လို ကြော်ငြာရမလဲ?

Pharmacy Myanmar ၏ ဖော်ပြထားသော ဆက်သွယ်ရန်အချက်အလက်များမှတစ်ဆင့် စုံစမ်းမေးမြန်းနိုင်ပါသည်။

ကြော်ငြာသော ထုတ်ကုန်များအတွက် လိုက်နာရမည့် စည်းမျဉ်းများ ရှိပါသလား?

ရှိပါသည်။ ကြော်ငြာဖော်ပြသော ထုတ်ကုန်များသည် မြန်မာနိုင်ငံ MFDA မှ တရားဝင်ခွင့်ပြုချက် ရရှိထားသော ထုတ်ကုန်များ ဖြစ်ရမည်ဖြစ်ပြီး၊ သက်ဆိုင်ရာ ဥပဒေများကို လိုက်နာရမည်။

စျေးနှုန်းအပြောင်းအလဲကို ပလက်ဖောင်းမှာ အချိန်နဲ့တပြေးညီ ပြောင်းလဲဖော်ပြနိုင်ပါသလား?

ပေးအပ်သော စျေးနှုန်းအချက်အလက်များကို စနစ်အတွင်း ထည့်သွင်းပေးနိုင်ပါသည်။ စျေးနှုန်း အပြောင်းအလဲများကို ကုမ္ပဏီမှ အချိန်မီ အကြောင်းကြားပေးရန် လိုအပ် ပါသည်။

ပလက်ဖောင်းမှတစ်ဆင့် ဆေးဆိုင်များနှင့် တိုက်ရိုက် အရောင်းအဝယ် ပြုလုပ်နိုင်ပါသလား?

မရနိုင်ပါ။ ပလက်ဖောင်းသည် ကြော်ငြာနှင့် သတင်းအချက်အလက် ပေးရန်သာ ဖြစ်ပြီး၊ တိုက်ရိုက်အရောင်းအဝယ်နှင့် ငွေပေးချေမှုများကို ဆောင်ရွက်ပေးခြင်း မရှိပါ။

ကြော်ငြာမည့် ဆေးဝါးထုတ်ကုန်အတွက် အဓိကအချက်အလက်များ ဘာတွေပေးရမလဲ?

အဓိကအားဖြင့် ကုမ္ပဏီ၏ အချက်အလက်၊ ထုတ်ကုန်အမည်၊ ဆေးဖက်ဝင်အမည် (Generic Name)၊ ထုတ်ကုန်၏ ပုံ (Image)၊ အသုံးပြုပုံ၊ ထုတ်လုပ်သည့် နိုင်ငံ/ကုမ္ပဏီ၊ နှင့် ထုပ်ပိုးမှုအသေးစိတ် (Dosage/Packaging)၊ တရားဝင် မှတ်ပုံတင်ခွင့်ပြုထားသည့် ဆေးဝါး ဖြစ်ကြောင်း အတည်ပြုချက် စသည့်အချက်အလက်များကို ပေးအပ်ရပါမည်။