💧 ရေဓာတ်ပြည့်ဝခြင်း၏ အကျိုးကျေးဇူးများ

လုံလောက်သော ရေဓာတ်သည် မိခင်နို့ထုတ်လုပ်မှု၊ မိခင်ကျန်းမာရေးနှင့် စိတ်ပိုင်းဆိုင်ရာ ကောင်းကျိုးများစွာကို ပေးစွမ်းနိုင်ပါတယ်။

◾ နို့ရည်ထုတ်လုပ်မှုကို အားပေးခြင်း– ရေဓာတ် ပြည့်ဝနေသော မိခင်တစ်ဦးသည် နို့ရည်ကို ပုံမှန်နှင့် လုံလောက်သော ပမာဏ ထုတ်လုပ်နိုင်စေရန် အထောက်အကူပြုသည်။ ရေဓာတ်ခန်းခြောက်ပါက နို့ထွက်နှုန်း လျော့ကျသွားနိုင်သည်။

◾ မိခင်၏ ခွန်အားနှင့် စွမ်းအင်ကို ထိန်းသိမ်းပေးခြင်း– မကြာခဏ နို့တိုက်ကျွေးရသော မိခင်များသည် အလွယ်တကူ ပင်ပန်းနွမ်းနယ်တတ်သည်။ ရေဓာတ်ပြည့်ဝခြင်းက မိခင်၏ ခန္ဓာကိုယ် စွမ်းအင်ကို ထိန်းသိမ်းပေးပြီး၊ မူးဝေခြင်းနှင့် ခေါင်းကိုက်ခြင်းကို လျှော့ချပေးပါတယ်။

◾ ဝမ်းချုပ်ခြင်းမှ ကာကွယ်ပေးခြင်း– ကိုယ်ဝန်ဆောင်ပြီးနောက်ပိုင်း အဖြစ်များသော ဝမ်းချုပ်ခြင်း ပြဿနာကို ရေများများသောက်ခြင်းဖြင့် အူလမ်းကြောင်း လှုပ်ရှားမှုကို ကောင်းမွန်စေပြီး သက်သာစေပါတယ်။

🥛 နေ့စဉ် ရေဓာတ်ဖြည့်တင်းရန် လမ်းညွှန်ချက်များ

မိခင်နို့တိုက်ကျွေးသူများအတွက် ရေဓာတ် လုံလောက်အောင် ဖြည့်တင်းပေးနိုင်မည့် လက်တွေ့ကျသော အလေ့အကျင့်များ ဖြစ်ပါသည်။

◾ နို့တိုက်တိုင်း ရေသောက်ပါ– ကလေးကို နို့တိုက်မည့်အချိန် သို့မဟုတ် နို့တိုက်ပြီးတိုင်း ရေတစ်ဖန်ခွက် သို့မဟုတ် အရည်ဓာတ်ပါသော အချိုရည်ကို သောက်ရန် အလေ့အကျင့်ပြုပါ။

◾ ရေဘူး အနီးတွင် ထားပါ– မိမိသွားလေရာ နေရာတိုင်း (ဥပမာ- နို့တိုက်သည့်နေရာ၊ အိပ်ရာဘေး) တွင် ရေဘူးအပြည့်ကို အသင့်ဆောင်ထားပြီး မြင်တွေ့တိုင်း သောက်ရန် သတိပေးပါ။

◾ ဆီးအရောင်ကို စစ်ဆေးပါ– မိမိ၏ ဆီးအရောင်သည် ဖျော့တော့သော အဝါရောင် သို့မဟုတ် အရောင်မဲ့နေပါက ရေဓာတ် လုံလောက်သည်ဟု ဆိုနိုင်သည်။ ဆီးရောင် ရင့်နေပါက ရေပိုမို သောက်သုံးရန် လိုအပ်ပါသည်။

◾ ဟင်းချိုနှင့် သစ်သီးများ သုံးဆောင်ပါ– သန့်ရှင်းသော ဟင်းချိုရည် (ဆား/အဆီ နည်းပါးသော) နှင့် ရေဓာတ်ကြွယ်ဝသည့် သစ်သီးများ (ဖရဲသီး၊ သခွားသီး) တို့ကို စားသုံးခြင်းဖြင့် အရည်ဓာတ်ကို ဖြည့်တင်းပေးပါ။